Астана әуежайы аумағында жол жөндеу жұмыстары басталды
АСТАНА. KAZINFORM — 21 мамырдан бастап елорда әуежайының вокзал маңы мен кіреберіс жолында жол жөндеу жұмыстары жүргізіледі.
Жөндеу аясында асфальт жабыны жаңартылып, бірқатар учаскеде уақытша шектеу енгізіледі.
Осыған байланысты әуежай аумағындағы көлік қозғалысының сызбасы уақытша өзгеруі мүмкін. Сондай-ақ қоғамдық көлік пен такси бағыты да өзгереді.
Әуежай әкімшілігі жолаушылардан сапарларын алдын ала жоспарлап, әуежайға ертерек келуді ескертеді.
— Уақытша қолайсыздықтарға түсіністік танытқандарыңыз үшін рақмет, — делінген хабарламада.
Айта кетелік Көлік министрі Нұрлан Сауранбаев Үкіметте өткен брифингте Астананың екінші әуежайын салуға қай аудан қарастырылып жатқанын айтқан еді.
