Астана аялдамаларында электрондық кітапханалар пайда болды

АСТАНА. ҚазАқпарат - Астанадағы алғашқы электрондық кітапхана Хан Шатыр сауда-ойын-сауық орталығының аялдамасына орнатылды, деп хабарлайды «ҚазАқпарат» ХАА тілшісі.

«Аялдамаларға электронды кітапханалар орната бастадық. Алғашқы кітапхананы Хан Шатыр аялдамасына қойдық», - деп жазды Астана қаласының әкімі Әсет Исекешев өзінің Фейсбуктегі парақшасына.
 

Оның айтуынша, кітаптар үш тілде қолжетімді. Олар QR-код арқылы гаджеттерде оқылады.

«Астаналықтардың көбірек оқығанын қалаймын», - деді қала басшысы.