«Астана» баскетбол клубы Біріккен ВТБ лигасында жеңіліске ұшырады
НҰР-СҰЛТАН. ҚазАқпарат - «Астана» баскетбол клубы үшін Біріккен ВТБ лигасының биылғы маусымы сәтсіз аяқталды. Елордалық клуб Мәскеу маңынан келген «Химкиге» үшінші рет есе жіберді, деп хабарлайды Olympic.kz.
Нұр-Сұлтан қаласында өткен плей-офф кезеңінің ¼ финалында «астаналықтар» 81:88 (24:25, 26:23, 17:14, 21:19) есебімен жеңіліс тапты.
Лига ережесі бойынша, ширек финалда қатарынан үш рет жеңіске жеткен команда жартылай финалға өтеді. Қазақстандықтар ресейлік командаға бірінші ойында 59:82, екінші ойында 64:94 есебімен жол берді.
