«Астана» футбол клубының ең пайдалы ойыншылары анықталды

АЛМАТЫ. 6 желтоқсан. ҚазАқпарат - «Астана» футбол клубының баспасөз қызметі, аяқ доп жанкүйерлерінің клуб сайтындағы дауыс беру қорытындысы бойынша үздік ондыққа кірген пайдалы ойыншылардың тізімін жариялады.

Оларды анықтау кезінде ойыншылардың қоржынына  доп соғылған матчта өнер көрсетсе +1, ал оны өткізіп алса -1 деген белгі қойылып отырған. Соның нәтижесінде +18 баллмен бұл тізімді Михаил Рожков (47-29) пен Ненад Эрич (40-22) бастап тұр. Ал Қайрат Нұрдәулетов (36-19), Ұлан Қонысбаев (32-15), Виктор Дмитриенко (29-12) - 17, Димитрий Лазеревски (43-28), Марат Шахметов (33-18), Валерий Коробкин (30-15) - 15, Сергей Остапенко (40-26) - 14, Таңат Нөсербаев (35-23) пен Дамир Кояшевич (16-4) - 12 мәрте астаналықтар қарсылас қақпасынан саңылау тапқанда команда сапында өнер көрсеткен.