«Astana Futures» атты халықаралық ерлер турнирі басталады

АСТАНА. 14 қараша. ҚазАқпарат - Бүгін елордада Қазақстан теннис туры аясында жүлде қоры 10 000 АҚШ долларын құрайтын «Astana Futures» атты халықаралық ерлер турнирі басталады, деп хабарлады ҚР Теннис федерациясывның баспасөз қызметінен.

20 қарашаға дейін жалғасатын халықаралық турнирге Қазақстан, Ресей, Беларусь, Өзбекстан, Чехия, Эстония және Словакия елдерінің теннисшілері қатысады.

Турнирдің негізгі сетінде ел намысын Данил Браун мен Дмитрий Макеев қорғамақ. Сонымен қатар Қазақстан атынан Сержан Есенбеков, Айдынбек Рақышев, Қайрат Көшеров және Алексей Кедрюк жарыс жолына шығады.

Халықаралық турнир «Дәулет» ұлттық теннис орталығының жабық кортында өтеді.