Астана ІІД автобустың жеңіл көлікпен соқтығысу оқиғасына қатысты тексеру жүргізеді
АСТАНА. ҚазАқпарат - Жолаушылар автобусының жеңіл көлікке соқтығысу оқиғасы бойынша полицейлер тексеру жүргізеді, деп хабарлады Астана ІІД баспасөз қызметі.
Бүгін сағат 07.00-дер шамасында Момышұлы көшесі бойынша Тәуелсіздік даңғылына қарай бара жатқан автобустың 43 жастағы жүргізушісі жол жағдайын ескермей, көлік тізгінінен ие бола алмай қалып, тоқтап тұрған 38 жастағы жүргізушінің басқаруындағы «Reno Logan» маркалы көлікке соғылды. Ал «Reno Logan» тоқтап тұрған «Mercedes» артынан барып соққан.
Апат салдарынан ешкім зардап шеккен жоқ.
