Астана қалалық ІІД басшысы А.Әубәкіров ЖОО басшыларымен кездеседі
АСТАНА. 21 қыркүйек. ҚазАқпарат - Ертең Астана қалалық ішкі істер департаментінің басшысы, генерал-майор Амантай Әубәкіров ЖОО басшыларымен кездеседі, деп хабарлады аталған ведомствоның баспасөз қызметінен.
Аталған шара жасөспірімдер мен жастар ортасында құқық бұзушылықтың алдын алу мақсатында өткізіледі. Кездесуде ЖОО-ның полицияның көмекші отрядтарының жұмыстары қорытындыланып, Ынтымақтастық туралы меморандумға қол қойылып, отрядтар арасында тәжірибе алмасу жүргізіледі. Отряд мүшелері мен оқу орындарының басшылары марапатталатын болады.
