Астана қалалық жас ақындар айтысының жеңімпаздары анықталды
АСТАНА. Мамырдың 19-ы. ҚазАқпарат /Арман Асқаров/ - Бүгін Лев Гумилев атындағы Еуразия ұлттық университетінде өткен «Күлтегін» мейрамы аясындағы қалалық жас ақындар айтысының жеңімпаздары анықталды,
деп хабарлайды ҚазАқпарат.Тартымды да тартысты өткен жыр додасының нәтижесінде жүлделі I-ші орынға жас айтыскер Жандарбек Бұлғақов ие болды. Ал Ербол Жанат, Ерқанат Кеңесбек, Мейіржан Әлібеков және Гүлзия Кәлембетовалар II-ші және III-ші орындарды өзара бөлісті. Айтысты белгілі ақын Серікзат Дүйсенғазин жүргізді.
