Астана кейінгі бес жылда ауасы лас өңірлер тізімінен түспей келеді
АСТАНА. ҚазАқпарат – Экология және табиғи ресурстар министрлігі 2019-2023 жылдарда ауасы ең көп ластанған қалаларды атады, деп хабарлайды ҚазАқпарат тілшісі.
«Кейінгі 5 жылда (2019-2023 ж.ж.) атмосфералық ауаның ластануының тұрақты жоғары деңгейі Қарағанды, Алматы, Астана, Өскемен, Теміртау, Жезқазған қалаларында байқалады», - деп жазылған ресми мәліметте.
Сондай-ақ, «Қазгидромет» мамандары аталған қалалардың ауасы қандай улы заттармен жиі ластанатынын атап көрсеткен.
«Негізгі ластаушы заттар:
Қарағанды қаласында – РМ-2,5 қалқыма бөлшектері, РМ-10 қалқыма бөлшектері, көміртегі оксиді, күкірт сутегі;
Алматы қаласында – қалқыма бөлшектер (шаң), РМ-2,5 қалқыма бөлшектері, РМ-10 қалқыма бөлшектері, күкірт диоксиді, көміртегі оксиді, азот диоксиді, азот оксиді.
Астана қаласында – қалқыма бөлшектер (шаң), РМ-2,5 қалқыма бөлшектері, РМ-10 қалқыма бөлшектері, күкірт диоксиді, көміртегі оксиді, азот диоксиді, азот оксиді.
Өскемен қаласы – күкірт диоксиді, көміртегі оксиді, күкірт сутегі;
Теміртау қаласы – көміртегі оксиді, азот диоксиді;
Жезқазған қаласы – күкірт сутегі, фенол», - деп жазылған ақпарат бюллетенінде.
