Астана-Көкшетау автобанында көлік аударылды - облыстық ІІД

АСТАНА. 19 қыркүйек. ҚазАқпарат - 17 қыркүйекте Астана-Көкшетау автобанының 234-шақырымында көлік апаты орын алды, деп хабарлады Ақмола облыстық ІІД баспасөз қызметі.

Белгілі болғанындай, Көкшетау қаласына бағыт алған «Мицубиси Паджеро» көлігінің жүргізушісі рөлге ие бола алмай, аударылып кеткен.

Апат кезінде көлік салонында жүргізуші, оның жұбайы мен олардың 2 және 3 жасар екі баласы болған. Олардың барлығы түрлі жарақаттармен ауданның орталық ауруханасына түсті.