Астана-Көкшетау бағытындағы тасжолда 9 автокөлік соқтығысты

Бүгін Астана-Көкшетау тасжолында ірі жол-көлік оқиғасы болды, деп хабарлайды Kazinform.

- Бүгін сағат 11:30-да Көкшетау қаласынан Астана қаласы бағыты бойынша жол қызметі мен ЖПҚ сүйемелдеуімен машиналар колоннасы ұйымдастырылғанына қарамастан 9 автокөлік соқтығысып қалды. Осыған байланысты, құрметті автожол пайдаланушылары, ауа-райының қолайсыздығын назардан тыс қалдырмай және жол қозғалысы ережелерін қатаң сақтауларыңызды сұраймыз, - деп жазды «ҚазАвтоЖол» АҚ баспасөз қызметі. 

Айта кету керек, автожолды тазалау және көктайғаққа қарсы материалдарды себу жұмыстары жалғасып жатыр. Дәл қазір аталған желіге 20 бірлік жол-пайдалану техникасы жұмылдырылды.