«Астана» командасы екінші оқу-жаттығу жиынын да БАӘ-де өткізеді
АСТАНА. ҚазАқпарат - «Астана» екінші оқу-жаттығу жиынын да Біріккен Араб Әмірліктерінде өткізеді, деп хабарлады Хабар24.kz.
29 қаңтарда «Астана» футболшылары мен жаттықтырушылар құрамы Словакияның «Жилина» командасына қарсы жолдастық кездесуден кейін бірінші жаттығу жиынын аяқтайды. Осыдан кейін команда мүшелері 3 ақпанға дейін қысқа мерзімді демалыс алады.
Екінші оқу-жаттығу жиыны 3 ақпаннан 9 ақпанға дейін жалғасады. Содан кейін елордалықтар 15 ақпанда «Спортингке» қарсы Еуропа Лигасының 1/16 финалының матчын өткізеді.
Екінші жаттығу жиынында да Станимир Стоилов бастаған жаттықтырушылар штабы үш жолдастық кездесу өткізуді жоспарлап отыр. Кездесулер 4, 6 және 8 ақпан күндері өтеді.
