«Астана кубогы» үшін өткен велоспорт жарысы мәресіне жетті
АСТАНА. ҚазАқпарат - Елордада шілденің 9-11 күндері "Сарыарқа" велотрегінде "Астана кубогы" үшін өткен велоспорт жарысы өз мәресіне жетті. Жалпы, жарыста 55 спортшы өзара шеберлік байқасты.
Жалпы, жарыста 55 спортшы өзара шеберлік байқасты.
Жасөспірімдер арасында "Б" тобындағы бәсекенің нәтижесі бойынша 1-орын Амир Богдановқа бұйырса, с 2-ші және 3-ші орындарды Кирилл Стрельченок пен Данил Потапенко еншіледі. Сондай-ақ, жасөспірімдердің "А" тобында Юрий Филатов жеңімпаз атанды. Қыздар арасында осы топтық жарыста Әнел Айзахметова топ жарды.
10 шілде күні өткен 2 км қашықтықты құраған жекелей сайыста жасөспірімдер арасында Юрий Филатов, осы топтағы қыздар арасында Карина Кулагина және Амелия Ысқақова жеңімпаздар қатарынан орын алды.
"Астана кубогы" үшін өткен веложарыс жеңімпаздары 19-24 шілде аралығында Астана қаласында "Сарыарқа" велотрегінде өтетін Қазақстан чемпионатында елорда намысын қорғайтын болады, деп хабарлайды astana.kz.
