Астана маңындағы орманды алқаптан адамның мүрдесі табылды
КӨКШЕТАУ. ҚазАқпарат - Астана маңындағы орманды алқаптан белгісіз адамның мүрдесі табылды, деп хабарлайды ҚазАқпарат тілшісі.
Ақмола облыстық ІІД баспасөз хатшысы Гүлнар Пинчуктің мәліметі бойынша, адамның мүрдесін Астана қаласының тұрғыны тамыздың 17-сі күні кешкі сағат 19:00-дер шамасында «Астана-Қостомар» тасжолының бойындағы орман алқабында көрген. Кейін дереу Аршалы аудандық ІІБ кезекшілік бөліміне хабарлаған.
«Қазіргі кезде, мүрденің кім екенін анықтау мақсатында соттық медициналық сараптама тағайындалды», - деп түсіндірді Гүлнар Пинчук.
