«Астана» «Мариборға» қарсы кездесуде есеп ашты: 1-0 (ФОТО)

АСТАНА. ҚазАқпарат - Осы сәттерде елордадағы «Астана-Арена» стадионында УЕФА Чемпиондар Лигасының екінші іріктеу кезеңінде «Астана» футбол командасының словениялық «Мариборға» қарсы қарымта кездесуінің бірінші таймы өтуде.

Ойынның 11-минутында «Астаналық» Бауыржан Жолшиев матчтың алғашқы есебін ашып, қонақтардың қақпасына доп дарытты. «Астананың» іріктеу раундының келесі кезеңіне шығу үшін елордалық команда словениялықтарды кемінде 2:0 есебімен ұту керек. Өйткені, 15-ші шілде күні Мариборда өткен алғашқы кездесуде словениялықтар жерлестерімізді минималді (0:1) есеппен жеңген болатын. Айта кетерлігі, букмекерлік кеңселердің бірінші болжамында жеңіс «астаналықтарда» болады деп күтіледі. Осыдан кейінгі орында «ойын тең болады» және «словениялықтар жеңеді» деген белгі бар.