«Астана-Мәскеу» бағытындағы пойыздың құрамы жаңартылуда
АСТАНА. ҚазАқпарат - «Жолаушылар тасымалы» АҚ заманауи ауаны желдету жүйесімен, «Жүгіртпе жол» ақпараттық тақтасымен, бейнемониторлармен, бейнебақылау жүйесімен жабдықталған 52 жаңа жолаушылар вагонын сатып алды.
«Тверь вагонқұрылысы зауыты» ААҚ құрастырған құрамның штаб вагонында автоматты көтеру құрылғысы мен мүмкіндігі шектеулі азаматтарға арналған арнайы купесі бар.
Ал үстіміздегі жылдың 15 шілдесінде «Астана-Мәскеу» бағытындағы пойыздың жаңартылған бірінші құрамы аттанды. 16 шілдеде «Маңғышлақ-Бейнеу» пойызының құрамы жаңа вагондармен қамтамасыз етілді.
5 тамызда «Астана-Мәскеу» бағытынадағы пойыздың екінші құрамы жаңартылды, аталмыш пойыздың барлық құрамын толықтай жаңарту үстіміздегі жылдың 7 тамызында аяқталады, деп хабарлайды «Жолаушылар тасымалы» АҚ баспасөз қызметінен.
