Астана мен тағы 3 қалада ауа сапасы бұзылады
АСТАНА. ҚазАқпарат – «Қазгидромет» РМК 20 тамызда Қазақстан қалаларында қалыптасатын метеорологиялық ахуалға болжамын жариялады, деп хабарлайды ҚазАқпарат.
Жексенбіде Ақтөбе, Алматы, түнде Астана, Атырау қалаларында ауаның ластануының қолайсыз жағдайлары күтіледі. Өзге шаһарларда ауа сапасы норма шегінде болады.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
