Астана процесіне АҚШ мемлекеттік хатшысының көмекшісі қатысады
АСТАНА. ҚазАқпарат - АҚШ мемлекеттік хатшысының Таяу Шығыс істері бойынша көмекшісінің міндетін атқарушы Дэвид Сатерфилд Сирия дағдарысына қатысты өтетін Астана процесіне қатысу үшін Қазақстанға келеді. Бұл ақпаратты ҚР СІМ баспасөз қызметі растады, деп хабарлайды «ҚазАқпарат» ХАА тілшісі.
Еске сала кетсек, ҚР СІМ Астана процесі аясындағы Сирияжөнінде жоғары деңгейдегі жетінші халықаралық кездесу 2017 жылы 30-31 қазанда өтетінін жария еткен болатын. Процесте Ресей делегациясына РФ Президентінің Сирия жөніндегі арнайы өкілі Александр Лаврентьев, Түркия делегациясына сыртқы істер министрінің орынбасары Седат Онал, Иран делегациясына сыртқы істер министрінің орынбасары Хусейн Джабери Ансари басшылық етпек.
«Іс-шараның басталуына бір күн дейін кепілгер-елдердің өкілдері сарапшылар деңгейінде екіжақты және үшжақты консультациялар өткізуге ниетті. Жалпы отырыс барлық тараптың қатысуымен 31 қазанда өтеді», делінген министрліктің баспасөз мәліметінде.
Ведомстваның хабарлауына қарағанда, кездесу Сирияда ұрысіс-қимылдарын доғару режимін нығайту бойынша қол жеткізілген нәтижелерді сақтауға, сондай-ақ дағдарысты саяси реттеуге өту кезеңінде аталған елдегі жағдайды әрі қарай тұрақтандыру шеңберінде күш-жігерлерді арттыруға бағытталған.
