Астана - Шортанды учаскесінде көлік қатынасы қайта жанданды
АСТАНА. 21 ақпан. ҚазАқпарат - 2012 жылғы 21 ақпан күнгі 18 сағат 30 минуттағы ақпарат бойынша, «Астана - Щучинск» автожолының Астана - Шортанды учаскесінде көлік қатынасы қалпына келтірілді,
деп хабарлайды ҚР Көлік және коммуникация министрлігінің баспасөз қызметі.
Дәл осы сағатта республикалық маңызы бар автожолдардың барлық учаскелерінде жол ашық.
Автомобиль жолдарында келеңсіз жағдайлардың алдын алу үшін ауа райы жақсарғанша жол жүруден бас тартып, Қазақстанның гидрометеорологиялық қызметінің хабарламаларына назар салған жөн екенін ескертеміз.
