Астана-Щучинск жабық тасжолынан 2000 автокөліктен тұратын колонна өтті
«ҚазАвтоЖол» Астана-Щучинск жабық тасжолында 2000 автокөліктен тұратын колоннаны өткізу жұмыстарын ұйымдастырды, деп хабарлайды Kazinform Республикалық маңызы бар автомобиль жолдарының ұлттық операторына сілтеме жасап.
2023 жылғы 29 желтоқсанда сағат 12:30-дан бастап «Астана-Щучинск» автожолында көліктің барлық түрлері үшін қозғалысқа шектеу енгізілген.
Алайда, мереке күндерінің басталуына және көліктердің жаппай жиналуына байланысты жол қозғалысы қауіпсіздігін қамтамасыз ету мақсатында жол қызметтері патрульдік полициямен бірлесіп, жабық учаскеде аталған қызметтердің сүйемелдеуімен автокөліктердің өтуін ұйымдастырды.
