Астана соты Ерасыл Әубәкіровтің өлтірілуі ісі бойынша ұсталғандардың бірін тұтқындауға санкция берді
АСТАНА. ҚазАқпарат - Астана қаласындағы Алматы ауданының № 2 аудандық соты А.Мейірбаевқа қатысты бұлтартпау шарасы ретінде тұтқынға алуға санкция берді, деп хабарлады елордалық соттың баспасөз қызметі.
А.Мейірбаев ҚР ҚК-нің 99-бабы 2-бөлігі 7-тармақшасында (бір топ адамдардың алдын-ала сөз байласумен кісі өлтіруі) көзделген қылмыстық құқық бұзушылық жасауға күдіктелуде.
Еске сала кетейік, осы жылғы 10 ақпанда Астана қаласы ІІД-нің қызметкерлері жедел-іздестіру шаралары барысында бұдан бұрын хабар-ошарсыз жоғалып кеткен Е.Әубәкіровтің денесін тапқан болатын.
