«Астана су арнасы» ғимаратының алдында граффити-сурет пайда болды
АСТАНА. ҚазАқпарат - Граффити-суреттің салтанатты ашылуы кәсіпорынның құрылған күнімен орайластырылды. 2017 жылдың 10 шілдесінде «Астана су арнасына» 58 жыл толды.
Ұжымға бұл сыйлықты «Астана су арнасы» МҚК басшысы Табиғат Зейнолқабден жасады, деп хабарлады компанияда.
Граффити-сурет компанияға тиесілі ғимараттардың бірінің алдыңғы жағында орналасқан. Қабырғада су өткізу кранынан тамып жатқан су тамшысы бейнеленген. Бұл сурет барлық тұтынушыларды табиғи ресурсты үнемдеуге шақырады.
Картинаның авторы - скульптор-суретші Асылбек Мамырбаев ауа райының қолайсыздығына қарамастан картинаны уақытылы бітіргенін тілге тиек етті. Енді қала қонақтары мен тұрғындары граффитидің фонында селфи жасай алады.
