«Астана-Теплотранзит» АҚ әкімшілік жауапкершілікке тартылды

АСТАНА. Қыркүйектің 29-ы. ҚазАқпарат - Қазақстан Республикасы Табиғи монополияларды реттеу агенттігінің Астана қаласы бойынша департаменті «Астана-Теплотранзит» АҚ жүргізген жоспарлы тексерісі барысында мынандай құқық бұзушылықтарды анықтады,

деп хабарлады Департамент қызметінен.

Атап айқанда, олар: уәкілетті органның келісімінсіз мүлікке қатысты мәміле жасау; техникалық шарт ұсыну мерзімін бұзу; қызметті реттеуге кіру шартын тану (тауарға, қызметке).

Осыған орай, «Астана-Теплотранзит» АҚ 8 478 000 (сегіз миллион төрт жүз жетпіс сегіз мың) теңге көлемінде айыппұл салу арқылы, әкімшілік жауапкершілікке тартылды.