Астана тұрғыны «Хизб-ут-Тахрир» ұяшығын құруды жоспарлаған - ҰҚК
АСТАНА. ҚазАқпарат - Астанада «Хизб-ут-Тахрир» ұяшығын ашуды жоспарлаған тұрғын ұсталды, деп хабарлады ведомствоға сілтеме жасап «ҚазАқпарат» ХАА.
«1 наурызда ҰҚК соталды тергеу аясында Астанада «Хизб-ут-Тахрир» діни-экстремистік ұйымының ұяшығын құруға ниеттенген «А.К» есімді Астана тұрғыны ұсталды», - делінген хабарламада.
Бұдан бұрын ақпанда Алматыда «Хизб-ут-Тахрир» идеясын насихаттаған парақшаларын таратпақшы болған оның сыбайласы ұсталған.
Бұл факті бойынша тергеу амалдары жүріп жатыр.
