Астана турнирінде жартылай финалға шыққан теннисшілер анықталды
Астана ATP 250 турнирінде жартылай финалға шыққан теннисшілер анықталды, деп хабарлайды ҚазАқпарат тілшісі.
Әлемнің 24-інші, осы жарыстың 1-ракеткасы, нидерландтық Таллон Грикспур дүниежүзілік рейтингте 28-орында тұрған америкалық Себастьян Кордаға есе жіберді – 4:6, 6:4, 3:6.
Әлемнің 29-ракеткасы, чехиялық Иржи Легечка рейтингте 120-сатыдағы сербиялық Хамад Медьедовичтен жеңіліп қалды – 3:6, 4:6.
Әлемнің 34-ракеткасы, франциялық Адриан Маннарино рейтингте 107-орындағы аустриялық Юрий Родионовты жолдан тайдырды – 6:1, 7:6 (8:6).
Елорда төрінде аустриялық, әлемнің 58-ракеткасы Себастьян Офнер сәтті өнер көрсетіп келеді. Ол осыған дейін Қазақстанның бірінші ракеткасы Александр Бубликтің меселін қайырса, бүгін отандасы, АҚШ ашық чемпионатының жеңімпазы Доминик Тимді тізе бүктірді – 5:7, 6:4, 6:2.
Жартылай финалда С.Корда Х.Медьедовичпен, А.Маннарино С.Офнермен шеберлік байқасады.
Еске сала кетейік, бұдан бұрын қазақстандық жас теннисшінің халықаралық турнирдің абсолютті чемпионы атанғанын жазған болатынбыз.
Сондай-ақ Юлия Путинцева Бейжіңде әлемнің 30-ракеткасын жеңді.
