«Астана» Твумасидің Ла Лига клубына трансферін рәсімдеуге жақын
АСТАНА. ҚазАқпарат - «Астананың» шабуылшысы Патрик Твумасидің испаниялық «Алавес» клубына ауысуына қатысты келіссөздер айтарлықтай алға жылжыды. Бұл туралы Sports.kz Graphic.com.gh. сайтына сілтеме жасап хабарлады.
«Graphic Sports Твумасидің клубы - «Астана» мен «Алавес» арасындағы келіссөздер шарықтау кезеңінде екенін растайды. Және ганалық футболшы жеке келісімшарттың шарттарын келісу үшін жуық арада Испанияға ұшып шығады деп күтілуде», - деп жазады басылым.
«Астана» Твумасидің клубтағы орнын босатуды ойластырып жатқаны туралы бұған дейін белгілі болған еді. Бірақ оның ресми себебі аталмады.
Айта кетейік, жазда Патрик Твумасиге тағы бір клуб - түркиялық «Гезтепе» қызыққан болатын. Бірақ «Астана» оның ұсынысын қабыл алмады.
