Астана Ұлы Отан соғысы ардагерлеріне 150 мың теңгеден қаржы бөлмек
АСТАНА. 5 мамыр. ҚазАқпарат - Елорданың Ұлы Отан соғысы ардагерлеріне бір реттік жәрдемақы ретінде 150 мың теңгеден беріледі. Бұл ақпаратты ҚР Еңбек және халықты әлеуметтік қорғау вице-министрі Серік Ахметов өзінің шағын блогы арқылы жария етті.
«Астанада Ұлы Отан соғысының 359 ардагері бар. Әкім (Иманғали Тасмағамбетов) оларға 150 мың теңгеден бөлу туралы шешім қабылдады», - деп жазды ол.
