«Астана»велоклубы «Париж-Ницца» көпкүндігіне қатысады
АСТАНА. Наурыздың 3-і. ҚазАқпарат /Ернұр Ақанбай/ - Наурыздың 8-і мен 15-і аралығында велоспорттан маусымның әйгілі жарыстарының бірі «Париж-Ницца» көпкүндігі өтеді. Оған «Астана» клубы фавориттердің бірі ретінде қатысады,
деп хабарлайды ҚазАқпарат. «Біздің спорт» сайтының дерегінше, аталмыш көпкүндікке «Астана» клубының құрамында испаниялық Альберто Контадор мен американдық Леви Лейфаймер барады. «Жуырда Лейфаймер «Париж-Ницца» додасына бара алмайды, өйткені «Калифорния турының» үшінші кезеңінде жарақат алған деген ақпарат тарады. Алайда, мұндай пікірді Қазақстан велоспорт федерациясының вице-президенті Николай Проскурин жоққа шығарды», делінген сайттың хабарламасында. Н. Проскурин, «Леви Францияға барады, оның жарақаты туралы ештеңе естіген жоқпын», деген сұхпатында.
