«Астана» велоклубының шабандоздары «Volta ao Algarve» турына қатысады

АЛМАТЫ. Ақпанның 17-сі. ҚазАқпарат /Ерлік Ержанұлы/ - Велоспорттан ақпанның 18-22 күндері Португалияда «Volta ao Algarve» туры өтеді,

деп хабарлайды ҚазАқпарат.Қазақстандық «Астана» велоклубының намысын 8 спортшы қорғайды. Бұл байрақты бәсекеде оларға спорт директорларынан Дирк Демол мен Александр Шефер жетекшілік жасамақ. Клуб намысын - Альберто Контадор, Андреас Клоден, Дмитрий Муравьев, Бенжамин Новаль, Сержио Паулиньо, Михаэль Шор, Томас Вайткус, Сержио Паулиньо мен Сергей Ренев қорғамақ. Ал олардың командалас өзге серіктері қазіргі таңда АҚШ-тың Калифорния штатында өтіп жатқан «Amgen Tour of California» турына қатысып жатыр. Ақпанның 14-інде жалауын көтерген бұл жарыс 22-сіне дейін созылмақ.