«Астана» велокомандасының көшбасшысы «Тур де Франстың» жалпы есебінде алтыншы орынға көтерілді
АСТАНА. ҚазАқпарат - «Тур де Франс» беделді веложарысының 19-шы кезеңі аяқталды, спортшылардың таулы жерлердегі жолбағытта 146 шақырымды еңсеруіне тура келді.
Бірінші болып AG2R командасынан француз Ромен Барде мәреге жетті, «Катюшадан» испандық Хоаким Родригес екінші нәтиже көрсетті, үшінші орында - Испанияның тағы бір өкілі, «Movistar» командасынан Алехандро Вальверде.
«Астана» капитаны Фабио Ару кезең қорытындысымен алтыншы орынға табан тіреді..
«Тур де Франс». 19-шы кезең.
Альбервиль - Сен-Жерве Монблан. 146 шақырым
1. Ромен Барде (Франция, AG2R) - 4:14:08
2. Хоаким Родригес (Испания, «Катюша») - +0:23
3. Алехандро Вальверде (Испания, «Movistar»)
6. Фабио Ару (Италия, «Астана») - +0:28.
