«Астана» велошабандозы Паоло Тиралонго Джиродағы 7-інші кезеңде жеңіске жетті
АСТАНА. 14 мамыр. ҚазАқпарат - Pro Team Astana-ның итальяндық жарысушысы Паоло Тиралонго Рокке ди Камбьодағы Giro d'Italia велокөпкүндігінің 7-нші кезеңінің жеңімпазы атанды. Жарыс мәресінде ол танымал итальяндық Микеле Скарпониден озып кетті, деп хабарлады ҚР Велосипед спорты федерациясының баспасөз қызметінен.
Бұл Паоло Тиралонгоның Джиро кезеңдеріндегі екінші жеңісі, 2011 жылы ол Макуньяга ауылындағы кезеңде бірінші болып келген еді.
Джироның сегіз кезеңінің қорытындысы бойынша, ProTeam Astana-ның екі шабандозы Бас классификациялаудағы үздік бестіктің құрамына енді. Жарыс көбасшысы канадалық Ридер Хесъедалдан 15 секундқа артта қалған Паоло Тиралонго - үшінші, Роман Кройцигер төртінші орында. Ол көшбасшыдан 35 секундқа артта қалды.
«Джиро ди Италия 2012» велокөпкүндігі дара бөлініспен Миланда 27 мамыр күні аяқталады. ProTeam Astana-ның Джиродағы капитаны - чехиялық Роман Кройцигер.
Джиро д'Италия (итал. Giro d'Italia) - танымал көпкүндік веложарыс, Еуропадағы ірі веложарыстардың бірі (Тур-де-Франс және Вуэльтамен қатар). Жыл сайын Италия аумағында әдетте мамыр-маусым айларында өтеді.
Жарыста үш түсті жейде ойнатылады:
Қызғылт түсті жейде (итал. Maglia rosa) жарыста ең беделді болып табылады және Бас классификацияның көшбасшысына беріледі, Тур де Франстың сары жейдесіне ұқсас. Бұл түске Gazzetta dello Sport-тың беттерінің түсінен алған.
Ақ жейде (итал. Maglia bianca) үздік жас жарысушы (25 жасқа дейін) классификациялауында көшбасшы атанған спортшыға беріледі. 2011 жылы ақ жейдені Pro Team Astana-ның шабандозы Роман Кройцигер жеңіп алды.
Жасыл жейде (итал. Maglia verde) таулы классификацияда ең жоғары ұпай жинаған спортшыға беріледі.
