Астана жолдарында уақытша шектеу қойылады
АСТАНА. 5 тамыз. ҚазАқпарат - Астана көшелерінде су ағатын кәріздер салуға байланысты дүйсенбі күні (08.08.2011) Молдағұлова көшесі бойымен Бейбітшілік көшесінен Республика даңғылына дейін, сонымен қатар Жеңіс даңғылымен Есенберлин көшесінен Бейбітшілік көшесіне дейін қозғалыс толықтай шектеледі,
деп хабарлады Астана қалалық ІІД ЖПБ баспасөз қызметі.
Сондай-ақ, асфальттың үстіңгі жабынын салуға байланысты дүйсенбі күні (08.08.2011) Ақжол көшесі бойымен Алаш тас жолынан Можайский көшесіне дейін көлік қозғалысына жартылай шектеу қойылады.
Астана қаласы ІІД Жол полиция басқармасы жүргізушілерге өз маршруттарын алдын ала нақтылап, кептелісте қалып қоюдан сақтануға кеңес береді.
