Астанада 16-20 шілде күндері Атырау облысының мәдениет күндері өтеді
Бес күнге жоспарланған бағдарламада жиырма түрлі шаралар, концерттер, дефилелер мен көрмелер бар.
Іс-шараны 16 шілде күні сағат 11:00-де конгресс-холлда өтетін Д.Нүрпейісова атындағы халық аспаптар оркестрінің концерті ашады. Дәл осы уақытта Конгресс-холдың алдындағы алаңда Нұрмұхан Жантөрин атындағы филармонияның үрмелі аспаптар оркестрі өнер көрсетсе, сағат 12:30-де дефилені "Айсұлу" сән үйі жалғастырады. Атырау облыстық мәдениет күндерінің бірінші күні "Атырау айшықтары" Гала-концертімен аяқталады, бұл концерт ЭКСПО-2017 амфитеатрында сағат 21:30-де басталады.
Конгресс-холл ғимаратында екі күн бойы, яғни 16 және 17 шілде күндері Атырау облысының бірнеше көрмелері мен вернисаждары жұмыс істейтін болады. Бұлар - өлкенің тарихынан сыр шертетін облыстық тарихи-өлкетану музейінің экспозициясы, Ш.Сариев атындағы бейнелеу өнері музейінің ЭКСПО тақырыбындағы вернисаждары. Облыс орталығының кітапханалары ұсынатын кітап көрмесі мен жәрмеңкесі, сондай-ақ облыстық мемлекеттік архив ұсынатын өңірдің жетістіктері туралы құжаттар көрмесі. Барлық көрмелер мен экспозициялар сағат 11:00-де басталады.
17 шілде күні мәдени іс-шаралар кешке қарай басталады. Сағат 19:00-де «Бәйтерек» монументінің алдында Жантөрин атындағы облыстық филармонияның "Нарын" халық аспаптар оркестрі ән-жырмен сусындатады. Дәл осы уақытта "Жастар" театрында Махамбет атындағы облыстық драма театры әртістерінің орындауындағы "Сүйінбай" драмасының тұсаукесері өтеді, басталуы сағат 19:00-де.
18 шілде күні негізгі шаралар этноауыл аумағында өтеді. Сағат 15:00-де "Айсұлу" сән үйі модельдерінің дефиле бағдарламасы басталады. Бағдарламаны сағат 15:00-де Д.Нүрпейісова атындағы халық аспаптар оркестрі мен Құрманғазы, Индер және Мақат аудандарының шығармашылық ұжымдарының концерті жалғастырады. Этноауылдағы бағдарлама сағат 19:30-да атыраулық композиторлардың әндері шырқалатын концертпен аяқталады.
Осы күні, 18 шілде күні қалалық алаңда сағат 17:00-де басталатын өңірдегі этномәдени бірлестіктердің концерті өтеді. Сағат 18:00-де оларды билер мерекесі алмастырса, 20:00-де - облыстық филармония әртістерінің қатысуымен театрландырылған қойылым мен концерт басталады.
19 шілде күні Горький атындағы орыс театрында атыраулық драматург М.Отарбаевтың "Баянды бақ" қойылымы өтеді, ол сағат 19:00-де басталады. Онымен бір уақытта қалалық алаңда облыстық филармонияның эстрадалық оркестрінің қатысуымен мерекелік бағдарлама өтеді.
Астанадағы Атырау облысының мәдениет күндері 20 шілде күні «Бәйтерек» монументінің алдындағы алаңда тәмамдайды. 19:00-де бұл жерде елорда тұрғындары мен қонақтарын "Ән арман - Атырау" мерекелік концерті күтеді.