Астанада 26 ҰОС ардагерінің пәтері жөндеуден өтеді
АСТАНА. ҚазАқпарат - Астана қаласы Жұмыспен қамту және әлеуметтік бағдарламалар басқармасының ақпараты бойынша, Ұлы Отан соғысы ардагерлерінің 84 пәтері тексеріліп, құрылыс компаниялары 34 үйде жөндеу жұмыстарын жүргізетін болды, деп хабарлады astana.gov.kz.
Қазіргі кезде 8 пәтер жөнделіп бітті, 16 пәтер аяқталуға жақын, 10 пәтерде жөндеу жұмыстары жазда қолға алынатын болады.
Сонымен қатар, демеушілер есебінен 50 пәтер жөнделеді, соның ішінде 40 үйде жөндеу жұмыстарының көлемі анықталып, шығындар сметасы жасалды. Тиісті жұмыстар ардагерлердің қалауы және келісімі бойынша жаз мезгілінде жүргізілетін болады.
