Астанада 3 инсульттік орталық жұмыс істейді
АСТАНА. 23 ақпан. ҚазАқпарат - 2012 жылдан бері елордада ми қан айналымы бұзылуының өткір түріне қарсы күрес жөнінде бағдарлама жұмыс істеп келеді, деп хабарлайды astana.kz сайтына қалалық Денсаулық сақтау басқармасынан.
Астанада 3 инсульттік орталық ашылған. Олар: Алматы ауданы тұрғындарына қызмет көрсететін № 1 ауруханада, Сарыарқа ауданы тұрғындарына қызмет көрсететін орталық теміржол ауруханасында және Астана қаласының Есіл ауданының тұрғындарына шұғыл көмек көрсететін Республикалық ғылыми орталықта орналасқан.
Ведомстводан хабарлағанындай, № 1көпбейінді қалалық аурухана базасындағы инсульт орталығы Алматы ауданының халқына географиялық мүмкіндіктеріне қарай қызмет етіп, ауру белгісі білінісімен алғашқы 3 сағат ішінде шұғыл көмек береді.
