Астанада Елорда күніне арналған жаппай жарыс ұйымдастырылады

АСТАНА. KAZINFORM – Елордада 13 шілдеде Ботаникалық бақта «Ел жүрегі – Астана!» атты қала күніне арналған жаппай жүгіру жарысы өтеді. 

Астана әкімдігі ресми сайтының мәліметінше, жарысқа қатысуға ниет білдірушілерді тіркеу 13 шілдеде сағат 07:00-ден 08:00-ге дейін жалғасады. Басталуы – 08:00.

Жүгіру жарысы аяқталғаннан кейін мәреге тіркелген қатысушылар арасында лотерея және бағалы сыйлықтарға ұтыс ойындары ойнатылады. 

Айта кетейік, аталған іс-шара спорттық жарыс болып саналмайды.