Астанада 40-қа жуық жаңа үй жылу беру маусымына дайындық мерзімін бұзған
АСТАНА. ҚазАқпарат - Астананың «Есіл» ауданы әкімдігінің аппараты жылу маусымына дайындық барысы туралыхабарлады, деп хабарлады «ҚазАқпарат» ХАА.
«Жыл сайын алдағы жылу маусымына тұрғын үй-коммуналдық шаруашылық нысандарын дайындау аясында тұрғын үй қорын дайындау кестесі бекітіледі. Осы кестеге сәйкес әр тұрғын үйде дайындық жұмыстарын жүргізудің белгіленген мерзімі бар».
Бүгінде кестеге сәйкес 365 үйдің 301-і дайындық жұмыстарын жүргізген. Ал 39-ы мерзімінде орындамаған», - деп атап өтеді ведомствода.
Сонымен, мерзімінде орындамағандар - «Жағалау-3» ТК, «Триумфальная Арка» ЖТК (4-тоқсан), «Лазурный квартал» (пятна 5,6), «EXPO Towers», «Северная корона», «Северное сияние», «Новый мир» және т.б.
