Астанада 5 жасар сәби 4-ші қабаттан құлап кеткен

АСТАНА. ҚазАқпарат - Астанада 5 жасар сәби 4-ші қабаттан құлап кеткен.

Оқиға кеше сағат күндізгі екі жарымдар шамасында елорданың Сарыарқа ауданында орын алған. 12 қабатты тұрғын үйдің 4-ші қабатының терезесінен 2009 жылы туған А.Атығаев абайсызда құлап кетіп, түрлі дене жарақаттарын алған. Ол бірден ауруханаға жеткізілді, деп хабарлайды ҚР ТЖМ баспасөз қызметінен.