Астанада 68665 әскери бөлімінің сарбаздары ант қабылдады
АСТАНА. KAZINFORM — Елордадағы «Отан қорғаушылар» монументі жанындағы алаңда 68665 әскери бөлімінің жас сарбаздарының әскери ант қабылдау рәсімі өтті.
Шараға Құрлық әскерлері бас қолбасшысы басқармасының қолбасшылығы, 68665 әскери бөлімі, Қарулы Күштердің ардагерлері, жұртшылық өкілдері, сарбаздардың туған-туыстары мен жақындары қатысты. Бір ай ішінде жас жауынгерлер курсын 160-тан астам әскерге шақырылған сарбаз бітірд. Олар әскери бөлімнің тарихымен және дәстүрімен танысты, ережелерді, әскери техника мен қару-жарақтың тактикалық-техникалық сипаттамаларын, оқу-оқыту және атыс даярлығының негіздерін, және алғашқы атыстарын орындады.
Бас штабтың бастығы — Қарулы күштер Құрлық әскерлері Бас қолбасшысының бірінші орынбасары генерал-майор Мереке Күчекбаев жаңадан шақырылған Отан қорғаушыларын осы айтулы оқиғамен құттықтады.
«Еліміздің Конституциясында Қазақстан Республикасын қорғау — әрбір азаматтың қасиетті борышы әрі міндеті екені айтылған. Бұл парыз біздің әрқайсымызды — қатардағы жауынгерден генералға дейін — Тәуелсіз Қазақстанымыздың егемендігі мен тұтастығын қорғауға ұдайы дайын болуды міндеттейді. Барша жігіттерді Қазақстан Республикасының Қарулы күштері қатарына шақырылуымен және әскери қызметке қабылдануларымен тағы да құттықтаймын. Сіздерге белгіленген қызмет мерзімін абыроймен және абыроймен өтеп, елге қайратты да кемел азамат болып оралуларыңызға, болашақта Отан алдындағы борышын өтеулеріңізге тілектеспін», — деді генерал-майор М.Күчекбаев.
Шара барысында 68665 әскери бөлімінің жеке құрамы қоян-қолтық ұрыс, «Қарумен дефиле» көрсетілімін көрсетті, сондай-ақ Ұлттық әскери-патриоттық орталығының шығармашылық ұжымдарының қатысуымен концерттік бағдарлама ұсынды.
