Астанада әділет департаменті басшысының орынбасары пара алғаны үшін ұсталды
АСТАНА. ҚазАқпарат - Сыбайлас жемқорлыққа қарсы қызмет департаментінің қызметкерлері азамат Д-ның кеңсе қызметіне орналасуы үшін одан аттестаттау комиссиясының оң нәтижесіне 5000 АҚШ доллары көлемінде пара алғаны үшін әділет департаменті басшысының орынбасары А.К. Рақышевты ұстады.
«А.К. Рақышев ҚР ҚПК 128-бабы бойынша ұсталып, Астана қаласы ІІД уақытша ұстау оқшаулағышына қамалды. Оның әрекеті ҚК 366-бабы (пара алу) бойынша жіктелді. Қамауға алу түрінде бұлтартпау шарасы қолданылды, бұл санкцияны Астана қаласының прокуратурасы қолдады. Астана қаласы №2 Алматы аудандық сотының санкциясына сәйкес, А.К. Рақышевқа қатысты 2016 жылғы 26 маусымға дейін екі ай мерзімге бұлтартпау шарасы қолданылады», - деп хабарлады прокуратураның баспасөз қызметінде.
