Астанада АҚШ-тың әскери ұшқыштары рок-концерт қояды
АСТАНА. ҚазАқпарат - Ертең, 20 маусымда, Астанада «Бәйтерек» монументінің алаңында Starlifter АҚШ Әскери әуе күштерінің жетекші рок-тобы Open Air форматында тегін концерт өткізеді, деп хабарлады қалалық мәдениет басқармасы.
Барша әлемге танымал әскери музыкалық ұжым «ЭКСПО-2017» халықаралық көрмесі аясында алғаш рет Қазақстанда өнер көрсетеді.
Рок-топ ұжымы - Құрама Штат армиясы әскери қызметшілері, кәсіби ұшқыштар.
Концертті Астана қаласы әкімдігінің қолдауымен Қазақстандағы АҚШ Елшілігі өткізеді. Концерт сағат 19.00-де басталады.
