16:41, 01 Қараша 2017 | GMT +5
Астанада алаяқ бөтен адамның пәтерін сатып жіберген
АСТАНА. ҚазАқпарат - Елордалық полицейлер пәтер сатқан күдіктіні ұстады, деп хабарлайды Астана ІІД баспасөз қызметі.
«Есіл аудандық ІІБ тергеу бөлімі 37 жастағы Руслан Хутиевке қатысты алаяқтық фактісі бойынша сотқа дейінгі тергеп-тексеру жұмыстарын жүргізіп жатыр. Ол сеніміне кіріп, алдап-арбау жолдарымен өзіне тиесілі емес пәтерге жалған құжат жасап, сатып жіберген, ақшаны алған бойда ізін суытқан», - делінген хабарламада.
Осы факті Сотқа дейінгі тергеп-тексерудің бірыңғай тізіліміне ҚР ҚК 190-бабы юойынша («Алаяқтық») тіркелді. Күдікті қамауда отыр. Полиция Руслан Хутиевтің алаяқтық әрекеттерінен жәбірленген азаматтардан Есіл аудандық ІІД-не (Қорғалшын тас жолы, 21), мына телефондарға: 8 700 099 92 69, 8 775 444 44 58, 8 (7172) 71-65-58, 71-65-57 немесе «102» нөміріне хабарласуын сұрайды.
