Астанада алдағы күндері қар жаууы ықтимал

АСТАНА. ҚазАқпарат - Алдағы аптада Астанада күн суытып, қатты жел соғатыны туралы дабылды ескерту таратылды. Метеорологтардың болжамынша, елордада 21 сәуірде қатты жел соғып, қар аралас жаңбыр жауады. Бұл туралы «Қазгидромет» РМК-ға сілтеме жасап astana.kz хабарлады.

«21-22 сәуірде Астанада күн жауын-шашынды (қар аралас жаңбыр) болады, солтүстік-батыстан соққан желдің жылдамдығы 15-20 м/с жетеді. Түнде ауа температурасы төмендейді», - деп болжайды синоптиктер.

Айта кетейік, Ақмола облысында да ауа температурасы төмендеп, қар жаууы ықтимал.

Ал демалыс күндері, синоптиктердің болжамынша, жылы күн райы сақталады. Бүгін Астанада күн ала бұлтты, жауын-шашынсыз. Оңтүстік-батыстан солтүстік-батысқа ауысқан 9-14 м/с жылдамдықпен жел соғуда, кей жерлерде екпіні 15-20 м/с жетеді. Түнде ауа температурасы +3+5°С, күндіз +15+17°С.

«Ертең, 20 сәуірде, Астанада көшпелі бұлт шығады, өткінші жаңбыр жауады. Солтүстік-батыстан 9-14 м/с жылдамдықпен жел соғады. Түнде ауа температурасы +3+5°С, күндіз +14+16°С» делінген хабарламада.