Астанада әнші Әлия Әбекенованың «Наурыз мейрамына» арналған «Ән гәккуі» атты жеке концерті өтеді

АСТАНА. 19 наурыз. ҚазАқпарат - 22 наурызда Астанадағы «Қазақстан» орталық концерт залында қазақстандық жас әнші Әлия Әбекенованың «Ән гәккуі» атты жеке концерті өтеді, деп хабарлады «МедиаБәйтерек» баспасөз қызметі.

Оған сондай-ақ Қазақстанның еңбек сіңірген қайраткері Майра Ілиясова, «Тарту» тобы, орындаушы Ләззат Жанаманова, әжелер хоры, «Терра» би ұжымы қатысады. Концерт көктем мерекесі - Наурыз мейрамына арналып отыр.

Әлия көрермен қауымға фольклорлық ән жанрындағы шығармаларды ұсынады. Оның репертуарында белгілі халық әндері бар. Оның «Өмірге сауал», «Өкініш тамшылары» сияқты композициялары көрермен көзайымына айналды.