Астанада ауыл шаруашылық жәрмеңкелерінде 336 тонна өнім сатылды
АСТАНА. ҚазАқпарат - Апта сайын жұма-жексенбі күндері Қ. Мұңайтпасов атындағы орталық стадионның (Кенесары к-сі, 14) және «Думан» оайын-сауық орталығының тұрақтарында Астана қаласының, Ақмола және Қарағанды облыстарының тауар өндірушілерінің қатысуымен ауыл шаруашылық жәрмеңкелері өтеді.
Елорданың ресми сайтының хабарлауынша, жәрмеңкелердегі бағалар базардағыдан 10-15 пайызға төмен. Бүгінгі таңда 336 тонна өнім сатылды.
Жәрмеңкеге 150 жабдықтаушы мен өндіруші қатысады. Жәрмеңкеде «Капитал Натур продукт» ЖШС, «Нәтиже» ЖШС, «Милк прожект» ЖШС, «Дәмді ет» ЖШС, «Қазгер-Құс» ЖШС, «Жас қанат» ЖШС және т.б. кәсіпорындар өз өнімдерін ұсынады.
Елордалықтар 500-ден астам тауар түрін сатып ала алады, соның ішінде ет, балық, сүт, шұжық өнімдері, жемістер мен көкөністер, ұн, жарма, май және т.б.
