Астанада ауылшаруашылығы өнімдерінің жәрмеңкесі өтуде
деп хабарлайды ҚазАқпарат.
Ауыл шаруашылығы өнімдері елордаға Алматы облысы, Қарағанды және Ақмола өңірлерінен әкелінді. Жол шығынын «Жетісу» және «Сарыарқа» әлеуметтік- кәсіпкерлік корпорациялары толық өтеп отыр.
Конституция күніне орай ұйымдастырылған жәрмеңкеде жеміс-жидек, көкөніс, ет және сүт өнімдері, балық еттерін өндіретін 500-ге тарта шаруа қожалықтары қатысуда.
«Жетісу» Әлеуметтік- кәсіпкерлік корпорациясы қызметінің басым бағыты ауыл шаруашылығын дамыту және Алматы қаласында азық-түлік белдеуін құру және азық-түлік қауіпсіздігін қамтамасыз ету. Күзгі жиын-терін жұмыстарының басталуына орай, Конституция күнінде біз астаналықтарды қуантпақ болдық», деді «Жетісу» ӘКК төрағасының орынбасары Ғалым Қарқынбаев.
Жәрмеңкеге шығарылған көкөніс, жеміс-жидек бағалары алып-сатарлардың қатысуынсыз өтіп жатқандықтан - өте төмен. Мысалы, қызанақтың киләсі 25 теңге, картоптың киләсі 15 теңгеден, қарбыздың киләсі 5 теңгеден сатылуда.
Жәрмекеге 450 тонна ауыл шаруашылығы өнімдері әкелінді.