Астанада аяздың салдарынан 1-ші мен 9-шы сыныптар үшін сабақ болмайды
АСТАНА. Желтоқсанның 11-і. ҚазАқпарат /Гүлнәр Жандағұлова/ - Астанада шыңылтыр аяздың салдарынан мектептерде 1-ші мен 9-шы сыныптардың оқушылары үшін сабақ болмайды.
Бұл туралы Астананың төтенше жағдайлар жөніндегі департаментінен хабарлады.
Ведомствоның ақпараты бойынша, минус 28 градустық төмен температураға байланысты, жұма күні Астана мектептерінде бірінші ауысымда 1-ші мен 9-шы сынып оқушыларының сабақтарын тоқтату туралы шешім қабылданды.
