Астанада «Азаматтық қоғам және ұлттық идея: журналистер көзімен» байқауының жеңімпаздары марапатталды

деп хабарлайды ҚазАқпарат.
Байқау Астана қаласы Ішкі саясат басқармасының тапсырысы бойынша «Алаш рухы - Сарыарқа» қоғамдық бірлестігімен ұйымдастырылды. Ұйымдастырушылардың айтуынша, жас журналистер арасында азаматтық қоғам мәселелеріне қалам тарту жағы төмен болғанымен, байқауға қатысуға ниет білдіргендердің саны көп болған.
«Қазақстан өзінің 18 жылдық тәуелсіздігінде жан-жақты қарыштап дамыды. Оған бәрі куә. Ал журналистиканың ең басты мақсаты елдің жеткен жетістіктерін халыққа сол күйінде жеткізе білу. Үкіметтік емес ұйымдардың қалыптасуын, олардың мемлекетпен қоян-қолтық жұмыс істей отырып, қоғамды өркендетуде, оның ішінде әлемдік өркениетке жекізудегі үлестерін көрсете білу - журналистердің шеберліктерінің арқасында деп білемін», - деді Президент аппараты жанындағы Ішкі саясат басқармасы мәдениет бөлімінің сектор меңгерушісі Қуат Бораш.
Қазылар алқасының шешімі бойынша, бірінші орынды - «Нұр Астана» жастар апталығының шолушысы Құралай Рахымбаева, екінші орынды - ҚР Үкіметі веб-сайтының шығарушы редакторы Саягүл Жарылқасын иеленді.