Астанада баланың басына үйдің қасбеті құлауына қатысты қылмыстық іс қозғалды
АСТАНА. KAZINFORM – Астанада баланың басына үйдің қасбеті құлады. Қазір тергеу амалдары жүргізіліп жатыр. Бұл туралы Астана қаласы Полиция департаментінің баспасөз қызметі хабарлайды.
«Нұра ауданының Полиция басқармасы қауіпсіздік талаптарына сай келмейтін жұмыстарды орындау немесе қызметтер көрсету фактісі бойынша қылмыстық іс қозғады. Қазір тергеу амалдары жүріп жатыр», - делінген Полиция департаментінің хабарламасында.
Бұған дейін елордада көпқабатты тұрғын үйден шыға берген баланың үстіне үйдің қасбетіндегі қаптама құлағаны туралы хабарлаған едік.
Баланың жағдайына қатысты Қоғамдық денсаулық сақтау басқармасы түсінік берді.
