Астанада баланы мектепке дайындау қанша тұрады

Астаналық ата-аналар үшін баласына мектеп формасын және оқу құралдарын сатып алуда таңдау көп.

Қажетті заттарды базардан, арнайы жәрмеңкелерден, ірі сауда орталықтарынан немесе тапсырыс бойынша мектеп формасын тіктіру мүмкіндіктері бар.

Жаппай нарықта клиенттерге арзан бағамен мектеп формасын ұсынатын бірнеше дүкен бар. Солардың бірінде ұлдарға арналған шалбар 6 990 теңгеден басталады.

Костюм 12 990 теңге және одан жоғары тұрады. Қыздарға арналған юбка 4990 теңге, сарафанды 5 900-6 990 теңге аралығында сатып алуға болады.

Атаулы сауда белгілерінде ұлдарға арналған шалбарды 12-14 мың теңгеге немесе 17 мың теңгеге неғұрлым сапалы киім ала аласыз.

Жейде бағасы 7-ден 10 мың теңгеге дейін. Аяқ киімнің құны - 20-дан 28 мың теңгеге дейін. Рюкзак - 10-16 мың теңге аралығында.

Отандық өндірушілер тігетін мектеп формасы да нарықта сұранысқа ие. Қыздарға арналған жемпірлер 10 мың теңгеге сатылады.

Шорты-юбка (тенниска) 10 мың теңгеге сатылып жатыр. Қыздарға арналған блузка құны 9 мың теңгеден басталады. Қыздарға арналған аяқ киім - 19 990 теңге.

Ұлдарға арналған поло жейде 5 мың теңге тұрады. Ұлдарға арналған шалбар - 12 мың теңгеден бастап. Пиджак 16 мың теңгеден басталады, ал жилет құны 7 мың теңге.

Белгілі болғандай, ата-аналардың көбі мектеп формасы мен оқу құралдарын алуға базарға барады. Базарда рюкзак 5 мың теңге және одан жоғары тұрады.

Сатушылармен келісіп, жеңілдікпен сатып алу мүмкіндігі бар. Мысалы, қыздарға арналған блузкалар 3 500 теңге, юбкалар 3 мың теңгеден басталады.

Шалбар 7 500 теңге және одан жоғары. Ұлдарға арналған жейде - 3 500 теңге, шалбар - 7 мың теңге, 5 мың теңгеге түсіріп алуға мүмкіндік бар, куртканы 2500 теңгеге сатып ала аласыз.

Жемпірді 3 мың теңгеге сатып алуға болады. Қыздарға арналған аяқ киімді 7 мың теңгеге, ұлдардыкін 6 мың теңгеге және одан жоғары бағада аласыз.

Кроссовка 5 мың теңгеден басталады.

Жабық базарларда баға сәл өзгеше. Қыздарға арналған блузкалар 9 мың теңге, жасөспірімдерге арналған юбка 12 500 теңге, ал кішкентай қыздар юбкасы 4 500 теңге тұрады.

Ұлдарға арналған шалбар 6 мың теңгеден басталады. Жейделерді 6 мың теңгеге сатып алуға болады.

Күрте құны 8 мың, бомбардирлер 11500 теңге. Ұлдарға арналған комплект 18 мың теңгеден басталады.

Оның ішіне күрте, кеудеше (жилетка) және шалбар кіреді.

Қыздарға арналған сарафандардың құны - 7,5 мың теңге. Қыздар мен ұлдарға арналған аяқ киім 12500 теңге тұрады. Кроссовка құны - 10500 теңге.

Жабық базарларда оқу құралдарының бағасы да әртүрлі. Дәптерлер 35 теңгеден басталады, егер көп алсаңыз 25 теңгеге түсіреді. Қалың дәптер (36 бет) 170 теңге тұрады.

Сурет салуға арналған альбом (24 бет) 500 теңге тұрады. Фломастерлер 800 теңге және одан жоғары, түрлі-түсті қарындаштар да 800 теңгеге сатылып жатыр, қымбатын алуға да болады.

Кеңсе тауарлары мен мектеп формасының ең төменгі бағасы - жәрмеңкелерде. Мұнда қыздар мен ұлдарға арналған жинақ 14 және 15 мың теңге тұрады.

Ұлдарға арналған жиынтықтың ішінде кеудеше (жилетка) шалбар және пиджак бар. Жейдені бөлек 4-5 мың теңгеге сатып алуға болады.

Аяқ киім, кроссовка 6 мың теңге және одан жоғары тұрады. Ал қыздарға арналған топтамада пиджак пен шалбар бар, юбка бөлек 4-5 мың теңге тұрады.

Мектеп жәрмеңкесінде сатушылар қарапайым дәптерлер мен А4 қағазының бағасы төмендегенін атап өтті.

Өткен жылы А4 қағазының құны 4-4,5 мың теңге болса, биыл 2,5 мың теңге тұрады. Өткен жылы 12 параққа арналған кәдімгі дәптерлер 40 теңгеден сатылды. Қазір 20 теңгеден сатылып жатыр.

Оқу құралдарына келсек, дәптер 20 теңге, ал қалың дәптер (24 бет) - 150 теңге, 36 парақты - 160 теңге тұрады.

Қаламдардың бағасы әдемі мұқабасы мен сапасына байланысты, жалпы 20 теңгеден басталады. Түрлі-түсті қарындаштарды 300 теңгеден және одан жоғары бағаға сатып алуға болады.

Қарындаштар жиынтығының бағасы 500-ден 2 мың теңгеге дейін. Сурет салуға арналған альбом 300 теңгеден басталады.

Рюкзактарды 6 мың теңге және одан жоғары сомаға сатып алуға болады.

Балалар әлемі дүкендерінде 1-сыныпқа арналған оқу құралдарының себеті 5900 теңгеден басталады. Атап айтқанда, дәптер 30 теңге тұрады.

Қалам 25 теңге, қарындаш 40 теңге. Сонымен қатар түрлі түсті қағаз 75 теңге, қарындаш ұштағыш 75 теңге және желім 145 теңге тұрады.

Одан бөлек, түрлі түсті қарындаштар 225 теңге, түрлі түсті картон 265 теңге, акварель – 265 теңге, өшіргіш 75 теңге және пластилинді 280 теңгеге сатып алуға болады.

Орташа есеппен яғни қарапайым стандартпен алғанда ата-ана баланы мектепке дайындауға 123 мың теңге жұмсайды.

Аталған сомаға кеңсе тауарлары, киімнен шалбар, көйлек, пиджак, кеудеше (жилетка), аяқ киім, рюкзак және кроссовка кіреді.

Дегенмен, дүкен аралап жүрген ата-аналар негізінде жоғарыда аталған сомадан да көп кететінін айтып отыр.

Оның үстіне әр ата-ана баласына сапалы киім мен оқу құралын алғысы келетіні рас.